Pinilit ang Bar sa Guangzhou na Alisin ang Anti-Foreigner Sign

Enero 5

Larawan: Chad Chamara

Napilitang alisin ng isang bar sa Liede area ng Guangzhou ang karatula sa harapang pasukan na nagsasabing hindi tinatanggap ang mga dayuhan.

Ayon sa source na pamilyar sa sitwasyon, binisita ngayon ng local authority ang Mr. Pilot—aviation-themed bar sa Xingsheng Lu—at pinatanggal ang karatulang ‘Decline foreigners’ sa Ingles. Nakasulat din sa traditional Chinese na ‘[Magalang naming] tinatanggihan ang pagpasok ng mga dayuhan.’

Larawan: Chad Chamara

Modern Gem Jewelery

WeChat: robert241246

Ipinakikita ng mga larawang ibinahagi sa That's ngayong hapon na inalis sa mga pinto ang tekstong nagbabawal sa mga dayuhan sa bar. Nananatili sa entrance ang tekstong ‘No drugs’ sa English at ‘Mahigpit na ipinagbabawal ang sex, pagsusugal, at droga; haharapin alinsunod sa batas ang mga lumalabag’ sa Chinese, na talagang mahusay na payo kung tatanungin kami.

Larawan: Chad Chamara

Unang itinawag sa pansin namin ang karatula humigit-kumulang isang linggo na ang nakararaan. Upang mag-imbestiga pa, nakipag-ugnayan kami sa Mr. Pilot noong nakaraang linggo para sa komento at sinabi ng isang empleyado na ‘hindi ipinagbabawal ang mga dayuhang customer.’ Nang tanungin tungkol sa karatulang malinaw na nasa pangunahing pasukan ng establishment hanggang ngayon, sinabi ng staff na ayaw ng bar at restaurant ng mga dayuhang customer sa gabi.

Premium Eye & Face Mask

I-scan ang QR Code

Napansin ng mga dayuhang nakatira malapit sa Mr. Pilot ang karatula, at ilang expatriate ang nag-social media upang ipahayag ang issue nila sa umano'y pagbabawal sa non-Chinese customer.

“Tumawag ako sa hotline ng serbisyo ng pamahalaan upang ireklamo ang karatula, hindi dahil personal akong nakadama ng diskriminasyon bilang dayuhan, kundi dahil sa palagay ko ay sinisira nito ang imahe ng Guangzhou bilang bukas at inklusibong lungsod,” sinabi kamakailan ng isang nag-aalalang residente ng Xingsheng Lu sa That’s. “Napakamatulungin at maunawain ng tumanggap ng reklamo ko.”

Larawan: Chad Chamara

Mukhang malaya nang makakabisita ang mga dayuhan sa Mr. Pilot anumang oras ng bar operation, kung may gusto pa ring bumisita pagkatapos ng fiasco na ito.

ExpatRights.org