Pagsisiyasat sa ESL Black Market ng China

Ang Butterfly Effect: ideya na maaaring magkaroon ng malaking epekto ang napakaliit na sanhi. Upang ilarawan ang theory na ito, sinasabing maaaring magdulot ng hurricane sa ibang bansa ang pagaspas ng pakpak ng butterfly sa isang bansa. Itinatampok ng artikulong ito ang ESL black market ng China at sinusuri ang epekto ng ganitong marketplace sa mga player nito.

Habang nagiging "karaniwang wika" ng mundo ang Ingles, napipilitang kumuha ang China ng napakaraming dayuhan bawat taon. Tinatanggap ang mga dayuhan sa sektor ng edukasyon ng China sa kondisyong kusa nilang susundin ang mga tuntunin, regulasyon, at batas ng bansa.

Bumaha ng napakaraming dayuhan sa hanay ng mga nagtuturo ng English. Mga dayuhang mula sa iba't ibang bansa at kultura. Nagtatrabaho sila sa buong bansa na may iisang layuning ipalaganap ang ‘mabuting wika’ sa mga tao.

Malaki ang itinaas sa nakaraang ilang taon ng antas ng paghikayat at pagtanggap sa English sa mga paaralan at Chinese household. Tumaas din ang pressure sa student, na sa ilang kaso ay humantong sa pagpapakamatay ng estudyante.

Maraming university student ang pinipiling mag-major sa English; determinado sila, nagpupursige, at nakikipagkaibigan sa dayuhan upang gawin iyon. Mataktikang pinatutuloy ng ilan ang dayuhan bilang bisita upang magdagdag ng English slang sa bokabularyo. Nagbabayad naman ang iba sa mga dayuhan para sa lingguhang dosis ng Ingles. Naging droga ng China ang Ingles!

Maraming dayuhan ang iniimbestigahan, ikinukulong, at dine-deport sa ngalan ng English. Pinahahalagahan ito ng mga Chinese na employer sa mga empleyado, pinahahalagahan ng mga Chinese na paaralan ang sinumang estudyanteng mahusay dito, at pinahahalagahan ng dayuhan ang Chinese na kaibigang mahusay gumamit nito. Naging isang drogang kailangang makuha linggu-linggo ng mga Chinese ang English; naging pangunahing pangangailangan ito sa tahanang Chinese.

Nabuo ang isang buong ilegal na merkado para sa Ingles, kung saan karaniwan ang pagpapalitan ng mga piraso ng wikang Ingles kapalit ng Chinese yuan. Nagaganap ang ganitong kalakalan sa mga coffee shop, restawran, at kamakailan sa WeChat. Karaniwang binabayaran bawat oras ang dayuhan para sa ilang bokabularyo at balangkas ng diyalogo sa Ingles, na may malaking diin sa pagbigkas. Walang opisyal na resibo ng transaksyon na ibinibigay sa mamimili at walang kontratang tinatalakay, ngunit ang bilang ng mga mamimili at nagbebenta sa merkadong ito ay kapantay, kung hindi man mas marami, kaysa sa mga nasa "legal na kalakalan ng Ingles sa bansa". Kumakalat ang pagnanais na maging mahusay sa Ingles na parang tunaw na lava na handang lumamon sa isang lungsod. Ikinampay ng paruparo ng ESL ang mga pakpak nito sa China at nakaabot ang balita sa mga nagsasalita ng Ingles sa bawat kontinente.

ANG MGA SIDE EFFECT NG ESL BLACK MARKET.

1. Upang tugunan ang demand sa English, mas maraming dayuhan ang pinapapasok sa port of entry ngunit madalas na pinarurusahan pagkatapos nilang pumasok.

2. Binabayaran ang dayuhan ng napakalaking sahod upang magturo ng Ingles at sanayin ang mga lokal na gurong Chinese kung paano nila ito gagawin; kapag nagawa na ito, hindi na kailangan ang dayuhan.

3. Pinipilit ng mga magulang at guro ang mga estudyante na matuto. Marami ang tinatawag na tanga kapag hindi nila napapantayan ang English level ng mga kapantay.

4. Pagdami ng pag-aresto sa mga ilegal na guro.

5. Nagkakaroon ng pagtatalo sa trabaho sa pagitan ng mga dayuhan at Chinese na empleyado; mas mataas ang sahod ng dayuhan kaysa sa lokal na Chinese para sa parehong trabahong ginagawa.

6. Muling nagliyab ang patuloy na apoy ng racial tension sa pagitan ng ‘white at Black.’ Karaniwang natatanggap ng puti ang mas mataas na salary kaysa Black para sa parehong job.

7. Nakikipag-date at sa ilang kaso ay nagpapakasal ang mga dayuhang lalaki sa mga babaeng Chinese, na lumilikha ng masculine tension sa dayuhang lalaki at, sa ilang kaso, kamatayan.

8. Lumilikha ito ng hindi kinakailangang pangamba sa mga magulang na Chinese. Labis silang gumagastos sa pag-aaral ng Ingles para sa kanilang sarili at mga anak.

9. Unti-unting pinapalitan ng mga Kanluraning ideal ang tradisyon ng China sa isip ng mga kabataang Chinese.