Karanasan ng Dayuhang Engineer sa Pagtatrabaho sa 7DCT Development Project ng GWM.
Iniwan ko ang Germany upang pumunta sa Baoding at magtrabaho sa tinatawag na ‘Transmission Research Institute’ ng Great Wall Motor noong unang bahagi ng 2015. Sa unang mga linggo ay maganda ang impresyon ko sa buong kompanya: May pinakamahuhusay silang bagong facility gaya ng test rig, environmental test chamber, proving ground, at halos tapos na ang kahanga-hangang bagong development center. Naniwala akong tatahakin ng kompanya ang sustainable success at gagawa ng sariling seryosong development sa halip na kumopya lamang o ipagawa ito sa dayuhang kompanya. Sa napakapangmatagalang pananaw, ipinuhunan ko sa H-shares ng GWM ang malaking bahagi ng perang kinita ko sa mga German OEM. Ngunit makalipas ang ilang buwan, lalong naging malinaw sa akin ang mga problema ng kompanya at partikular ng project:
• Pangunahing abala ang mga tao sa pag-uulat at pagdalo sa walang-silbing training (walang kaugnayan sa pangangailangan ng trabaho) sa halip na aktuwal na magtrabaho.
• Hindi nagtutulungan ang iba’t ibang departamento ("mga kumpanya") sa iisang layunin.
• Sa kabila ng mga pahayag ng kumpanya, ang aktuwal na kultura ay tungkol sa pagtatakip at takot sa parusa. Kaya hindi nalulutas ang mga problema kundi itinatago lamang hangga’t maaari.
• Lubhang hindi epektibo ang mamahaling test trip.
• Hindi organisado at sistematiko ang development work. Maraming pera ang nasasayang sa pagkuha ng ilang Western company upang gawin nang sabay-sabay ang parehong bagay. Malinaw na kulang ang pamumuno.
• Mababa ang pagkakaugnay ng mga empleyado sa kumpanya at mga produkto nito, o sa karamihan ng kaso ay negatibo pa ang saloobin sa kumpanya.
• Napakataas ng turnover ng empleyado sa 7DCT project team, lalo na sa "Software and Calibration" at "Testing." Kabilang dito ang mga empleyadong Tsino at dayuhan. Karaniwang nangyayari sa mga dayuhan ang pagtakas sa Great Walls sa pamamagitan ng "midnight run"—umuuwi para magbakasyon at hindi na bumabalik sa puwesto.
Nakabibigo ang work environment para sa mga taong gustong gumawa ng kaibahan. Umaalis sa kumpanya ang mabubuting tao pagkaraan ng isa o dalawang taon. Ang mga hindi makahanap ng mas magandang trabaho ang naiiwan at nagiging lower-level management dahil sila lamang ang hindi umalis. Lalabanan ng mga taong ito, dahil sa inertia nila, ang anumang pagbabago at pag-unlad.
Tungkol sa personal kong kaso, nagkaroon ako ng ilang problema sa HR department mula nang sumali ako sa kumpanya. Sa pangkalahatan, maibubuod ito sa na-record kong sinabi ng HR manager ko—sa mahinahong pananalita: Sa palagay nila, hindi nila kailangang alalahanin ang nakasulat sa work contract o sundin ang mga batas ng China. Nasa Baoding ang Great Wall Motor—kahit mahirap humanap ng kwalipikadong taong pupunta sa polluted na lungsod na ito—dahil sa Baoding lamang nila mayroon ang kanilang ‘guanxi network’ sa mga institusyon ng pamahalaan na nagpapahintulot sa kanilang gawin ang gusto sa mga empleyado at huwag matakot sa parusa sa kanilang kilos, kahit napakalinaw na itinakda sa batas.
Dahil hindi kami magkasundo ng aking HR na sundin ang kontrata ko sa trabaho at batas ng China tungkol sa ilang bagay gaya ng:
• Bayaran nang buo at nasa oras ang sahod
• Bayaran ang buwis at social security
• Ibigay ang mga tuntunin ng kumpanya
• Ibigay ang napagkasunduang oras ng pahinga at mga holiday
• Magbigay ng bayad sa overtime
At pinigil din ang aking mga dokumento upang gipitin ako.
Matapos kumonsulta sa responsableng district labor bureau upang magkaroon ng pagbabago, kinontak ng city labor department ang employer ko. Di-nagtagal sinabi ng HR na hindi na raw pasok ang work performance ko sa job requirements at hinati ang sahod ko. Hindi ako pumayag kaya tinanggal ako. Nangyari ito dalawang linggo matapos kong kontakin ang labor department ng Baoding at 16 buwan na akong nagtatrabaho sa kumpanya. Natapos ang probation matapos ang tatlong buwan nang walang reklamo o suggestion. Wala ring indikasyon ng poor performance sa evaluation anim na buwan bago ang insidente. Hindi tinukoy ng "position adjustment" o termination kung saan kulang ang performance at walang pagkakataong mag-"improve." Kahit ipalagay na legal ang termination, hindi binayaran ang mandatory severance.
Hindi nagtagumpay ang pagsubok na magkaroon ng labor arbitration pagkatapos ng termination. ‘Ipinasa-pasa’ ng mga awtoridad sa Baoding ang kaso sa mga office sa buong Baoding at inantala ang proceeding lampas sa time limit na malinaw na nakasulat sa kaugnay na batas. Tiyak ang lahat ng labor administrative place na pinuntahan ko sa Baoding na hindi sila responsable sa pagharap sa kaso laban sa GWM, ngunit kasabay nito ay agad nilang ipinadala sa GWM ang security-camera footage ko at ng kaibigang sumusuporta sa akin. Di nagtagal, kinontak at pinagbantaan siya.
Ilang buwan nang ilegal na ipinagkakait ng GWM ang mga dokumento ko upang hindi ako makahanap ng bagong trabaho. Tinangka nila akong i-blackmail na matatanggap ko lamang ang mga ito matapos pumirma sa resignation agreement. Ngayon, hinihintay nilang mag-expire ang visa ko. Karaniwang problem-solving attitude ito sa GWM. Kaugnay nito, inalis din nila ang accommodation ko sa kompanya kinabukasan ng huling araw ko sa trabaho. Sinisikap nilang paalisin ang mga tao sa lalong madaling panahon upang wala silang pagkakataong igiit ang kanilang mga karapatan.
Umaasa akong mababalaan ko ang ibang tao—lalo na ang mga dayuhang maaaring hindi pa nakarinig tungkol sa Great Wall—na huwag isuko ang trabaho at buhay dahil sa pagtitiwala sa kasinungalingan ng HR upang pumunta sa Baoding. Magsaliksik at magtanong sa mga dating nagtatrabaho sa GWM bago pumunta rito!
Anong rights ang dapat ibigay ng China sa mga expatriate? - Tumugon ang EChinacities
i-click⏬