Alam ng halos lahat ng employer na napakahalagang pumirma ng nakasulat na employment contract. Gayunman, hindi nila lahat napagtatantong higit na mahalaga ang paghahanda ng Employee Handbook.
Mag-subscribe sa ExpatRights
WeChat Official Account: ExpatRights （微信公众号）
1) Nilalaman ng employee handbook
Sa pangkalahatan, uri ng standardized paper ang employment contract, sapagkat dapat nitong taglayin ang mga sumusunod na clause:
(1) Pangalan, tirahan, at iba pang mahalagang impormasyon ng dalawang panig;
(2) Tagal at probation;
(3) Nilalaman at lokasyon ng trabaho;
(4) Oras ng trabaho, pahinga, at bakasyon;
(5) Mga bayad at social security;
(6) Proteksiyon sa paggawa at pag-iwas sa occupational harm, atbp.;
Dapat sumunod sa mga batas at regulasyon sa paggawa ng PRC ang lahat ng nabanggit sa itaas; kung hindi, walang bisa ang itinakda sapagkat lumalabag ito sa batas. Kaya sa katunayan, hindi maraming mapagpipilian ang employer kapag naghahanda ng kontrata sa pagtatrabaho.
Gayunman, naiiba ang employee handbook. Hindi lamang nito kinakatawan ang culture ng enterprise kundi nagtatakda rin ng partikular na behavior standard para sa mga empleyado. Sa ibang salita, tinutukoy nito kung ano ang dapat gawin, hindi maaaring gawin bilang empleyado, at kaukulang consequence ng hindi pagsunod. Sa ganitong diwa, napakahalaga nito sa pagpapatibay ng daily management ng enterprise.
2 ) Ang tungkulin ng employee handbook
maaaring napakahalaga ng employee handbook
Maaaring maglaman ang karaniwang employee handbook ng management regulation ng enterprise, kasama ang pahayag sa culture at vision planning. Napakahalaga ng specific at detailed management regulation sa HR at administrative management. Kabilang dito ang basic requirement para sa empleyado, recruitment procedure, probation period, leave procedure, dissolution ng labor contract, incentive system at discipline, confidential at proprietary information, code of ethical conduct, atbp. Maaaring tukuyin ng enterprise ang bawat usaping may kaugnayan sa employee management sa handbook.
Higit na mahalaga, maaaring malinaw na tukuyin ng enterprise kung anong uri ng kilos ang hindi pinahihintulutan o ipinagbabawal. Ang anumang paglabag sa mga pagtutukoy na ito ay maaaring humantong sa pasalita o nakasulat na babala, o maging sa pagtanggal sa lumabag na empleyado.
3. Proseso para sa epektibong employee handbook
Bagaman employer ang naghahanda ng employee handbook, mahalaga rin ang involvement ng mga empleyado upang maging binding ito.
Ayon sa Labor Contract Law ng PRC, kung direktang may kaugnayan sa benepisyo ng empleyado ang regulasyon ng employer—gaya ng bayad, oras ng trabaho, social insurance at welfare, training, work discipline, o quota management—kailangang talakayin ang draft sa employee congress o ng lahat ng empleyado at pagpasyahan pagkatapos ng consultation.
Pagkatapos, dapat isapubliko ng employer ang employee handbook at tiyaking nauunawaan ng bawat empleyado ang content kapag final na ito.
Tandaang labis na binibigyang-diin ng Labor Law ng PRC ang pamamaraan at mahalagang sundin ng employer ang mga procedural requirement. Nalalapat din ang prinsipyong ito sa mga regulasyon ng enterprise. Hindi kikilalaning ‘valid’ ang alinman sa nabanggit na regulasyon kung hindi sinunod ng employer ang pamamaraan. Lalo na kapag may labor dispute, kung hindi mapatutunayan ng enterprise ang pakikilahok at kaalaman ng empleyado sa employee handbook, hindi ito ituturing na valid ng arbitration committee o hukuman.
Iyan ang dahilan kung bakit karaniwan naming pinapayuhan ang mga kliyente na itago ang minutes ng discussion at consultation sa employee handbook at tiyaking papirmahin ang bawat empleyado ng acknowledgement na ganap nilang nauunawaan ang lahat ng clause nito.
Kung hindi, makikita ng employer na malaki ang magiging problema nila balang araw!
Source: Sophie Mao mula CHinaLawHelp.com