Mula Mayo 1, Magagamit ang Iyong WeChat History sa Hukuman

Paunawa: Kinuha ang artikulong ito mula sa ShekouDaly.

Para sa orihinal na artikulo, i-tap

Panoorin sa YouTube:youtu.be/3C1pSFgLj7Y

Ark Foreign Services

PandaBoo

Moment Visa

Mula Mayo 1, 2020, opisyal nang tatanggapin bilang anyo ng ebidensiya sa mga Chinese court ang mas maraming uri ng electronic data.

Magkakabisa sa Mayo 1, 2020 ang decision ng Supreme People's Court ng People's Republic of China tungkol sa ebidensiya sa civil litigation na ipinahayag noong Disyembre 26, 2019. Higit na nililinaw at pinalalawak ng decision ang saklaw ng electronic data.

Idinedetalye ng bagong amended provision ng Supreme People's Court sa evidence sa civil litigation ang mga uri ng electronic data, kabilang ang limang category at iba't ibang form:

(1) Impormasyong inilathala sa mga web page, blog, microblog, at iba pang network platform;

(2) Impormasyon sa komunikasyon ng mga network application service gaya ng SMS, e-mail, instant messaging, at communication group;

(3) Impormasyon sa pagpaparehistro ng user, impormasyon sa pagpapatunay ng pagkakakilanlan, electronic transaction record, communication record, login log, at iba pang impormasyon;

(4) Mga dokumento, larawan, audio, video, digital certificate, computer program, at iba pang electronic document;

(5) Iba pang impormasyong makapagpapatunay sa mga katotohanan ng kaso na nakaimbak, naproseso, at naipadala sa digital na anyo.

Nangangahulugan itong mula Mayo 1, maaaring pormal na ipasok sa hukuman bilang ebidensiya ang electronic data sa itaas.

Paano Panatilihin ang Electronic Data Bilang Ebidensiya

May ilang mahalagang bagay na dapat bigyang-pansin kapag nagpaplanong mag-save ng electronic data bilang ebidensiya.

Tinanggihan sa mga hukuman ang mga screenshot ng WeChat transfer.

Sinabi ni Zhang Bo, isang abogado ng Henan Jichun Law Firm, na: "Malinaw ang mga probisyon tungkol sa ebidensiya sa paglilitis na sibil. Kung gagamit ang mga partido ng elektronikong datos bilang ebidensiya, dapat nilang ibigay ang orihinal. Ang kopyang ginawa ng lumikha ng elektronikong datos na tumutugma sa orihinal, o isang nakalimbag na kopya o iba pang anyo ng output na maaaring direktang ipakita at kilalanin mula sa elektronikong datos, ay ituturing na orihinal ng elektronikong datos." Sinabi ni Zhang Bo na, halimbawa, ang pagtanggap ng hukuman sa mga rekord ng WeChat bilang ebidensiya ay nakasalalay sa dalawang paunang kondisyon.

Ang una ay mapatunayang ang gumagamit ng WeChat ay ang dalawang panig dahil hindi tunay na pangalan ang ginagamit sa sistema ng WeChat; ang ikalawa ay matiyak ang kabuuan ng mga rekord sa WeChat, dahil ang ebidensiya mula rito ay tala ng magkakahiwalay na bahagi ng pang-araw-araw na buhay. Kung hindi ito kumpleto, maaari itong mawalan ng konteksto at hindi ito tatanggapin ng hukuman.

Source:

sa pamamagitan ng

Gustong magbahagi ng opinyon?

Mag-iwan ng komentosa ibaba!

Bisitahin kami:

SKYIPTV