Inaasahang makakasamang muli ng estudyanteng South African na si Alfa Mpetsheni, na nag-aaral sa China, ang pamilya niya sa Gauteng di-nagtagal matapos palayain sa kulungan.
Mag-subscribe sa ExpatRights
WeChat Official Account: ExpatRights （微信公众号）
Ayon ito sa ama niyang si Thulani, na nagsabing naranasan niya ang pinakamalaking shock sa buhay nang tumawag si Mpetsheni noong nakaraang linggo at sabihing pinalaya siya ng Shanghai Public Security Bureau.
Hindi pa rin malinaw kung anong charge ang hinarap niya.
Ipinaalam ng Department of International Relations and Co-operation sa pamilya Mpetsheni kung nasaan si Alfa matapos siyang mawala nang halos isang buwan.
Nag-aaral si Mpetsheni, 25, sa Zhejiang Gongshang University sa Hangzhou.
Huling nakausap siya ng inang si Nokuthula sa WeChat noong Enero 18, samantalang huli siyang nakita ng mga kaibigan noong Enero 15.
Dahil nag-aalala sa kinaroroonan niya, nakipag-ugnayan ang kaniyang pamilya
sa mga awtoridad at ipinaalam ng Chinese Embassy sa South Africa na sumakay siya ng flight patungong Bangkok, Thailand.
Lubha akong nag-alala nang hindi ko alam kung nasaan siya at natakot para sa buhay niya nang sabihing dinetine siya.
Pinili kong huwag itanong sa telepono kung bakit siya inaresto dahil alam kong walang kinalaman iyon sa visa niya.
Nag-expire lamang ang visa niya habang nasa custody pa siya. Tatalakayin natin iyon kapag nakabalik siya.—Thulani
Idinagdag niyang nasa isang hostel sa Shanghai noon si Mpetsheni habang tinutulungan siya ng immigration authority sa pasaporte upang makabalik sa South Africa.
Hindi siya makabalik sa university dahil sarado pa rin ito dahil sa coronavirus.
Hindi kami sigurado kung pahihintulutan siyang bumalik kahit doon sa Shanghai, ngunit sinabi ng immigration authority na matatapos ang mga papel sa loob ng 10 araw.
Kaya umaasa kaming darating siya rito minsan sa Marso at babalik lamang sa China kapag muling nagbukas ang unibersidad.—Thulani
Source: iol.co.za sa pamamagitan ng JobTubeDaily