Nagkabisa mula Enero 1, 2019 ang bagong IIT law ng PRC.
Mag-subscribe sa ExpatRights
WeChat Official Account: ExpatRights （微信公众号）
Bukod sa pangkalahatang tuntuning naaangkop sa lahat, mahalaga para sa mga dayuhan ang mga sumusunod na punto:
1. Sino ang dapat magbayad ng IIT? Anong uri ng kita ang taxable?
1) Ang mga dayuhang nanirahan sa China nang pinagsama-samang 183 araw o higit pa sa isang tax year ay magbabayad ng IIT sa kita nilang mula sa loob o labas ng China. Gayunman, kung wala pang anim na magkakasunod na taon ang pananatili ng dayuhan sa China, kahit 183 araw o higit pa bawat taon, malilibre sa IIT ang kita niya sa ibang bansa sa pamamagitan ng filing sa karampatang tax authority. Bukod dito, kung umalis siya sa China nang mahigit 30 araw nang isang beses sa loob ng anim na magkakasunod na taon, magsisimulang muli ang bilang ng magkakasunod na taon.
Halimbawa, kung aalis siya sa China nang mahigit 30 araw sa 2023, ang ikalimang sunod-sunod na taon ng paninirahan niya sa China, magsisimulang muli sa 2024 ang pagbibilang ng magkakasunod na taon.
2) Ang mga dayuhang nanirahan sa China nang wala pang pinagsama-samang 183 araw sa isang tax year ay magbabayad lamang ng IIT sa kita nilang mula sa loob ng China.
2. Exemption sa IIT
Sa naunang blog naming Individual Income Tax sa China—Paano Magbayad sa 2019?, inilista namin kung anong uri ng income ang taxable.
Gayunman, hindi sakop ng IIT ang sumusunod na income:
1) Mga parangal para sa tagumpay sa agham, edukasyon, teknolohiya, kultura, kalusugan ng publiko, sports, at proteksiyon ng kapaligiran na iginawad ng dayuhan o internasyonal na organisasyon;
2) Mga insurance indemnity;
3) Basic pension.
3. Tax deduction o preferential treatment?
Bago ang bagong IIT na ito, maaaring makatanggap ang mga dayuhang nagtatrabaho sa China ng subsidy sa tirahan, pagsasanay sa wika, edukasyon ng mga anak, at iba pa, na pawang walang buwis. Gayunman, ayon sa bagong batas sa IIT, maaaring ibawas ang anim na uri ng gastusing kaugnay ng kabuhayan, gaya ng edukasyon ng mga anak, patuloy na edukasyon, renta sa bahay, at iba pa. Ang tanong: kailangan bang sundin ng mga dayuhan ang bagong batas o ano?
Ayon sa notice ng General Taxation Administration, mula Enero 1, 2019 hanggang Disyembre 31, 2021 (transition period), maaaring piliin ng dayuhan ang orihinal na rule sa tax-free subsidy o sundin ang bagong IIT law para sa expense deduction. Kapag nakapili na, kailangang sundin iyon sa buong tax year.
Pagkatapos ng transition period sa itaas, hindi na aaplay ang orihinal na subsidy. Expense deduction lamang na nakalista sa bagong IIT law ang aaplay.
Source: Sophie Mao mula CHinaLawHelp.com