Walang gayong provision sa labor law na awtomatikong matatapos ang employment contract, gaano man katagal lumiban sa trabaho ang empleyado nang walang justification.
Mag-subscribe sa ExpatRights
WeChat Official Account: ExpatRights （微信公众号）
Siyempre, tiyak na paglabag sa mga tuntunin at regulasyon ng employer ang hindi pagpasok sa trabaho, ngunit hindi ibig sabihin nitong awtomatikong matatapos ang employment contract.
Gayunman, tinutukoy ng labor law na kung malubhang nilabag ng empleyado ang mga rule at regulation ng enterprise, may karapatan ang employer na wakasan ang employment contract. Ngunit gaya ng paulit-ulit naming binibigyang-diin, napakahalagang sundin ang procedural requirement sa labor relation, kahit malinaw na kasalanan ng empleyado.
Sa karamihan ng labor dispute, gaya ng dismissal, termination ng employment contract, at reduction ng remuneration, nasa employer ang burden of proof. Kailangan nitong bigyang-katwiran ang lahat ng pasiya. Kung hindi, maaaring paboran ng arbitration committee o hukuman ang empleyado.
Hindi awtomatikong matatapos ang employment contract ng empleyado
Sa pangkalahatan, kailangang gawin ng employer ang mga sumusunod na hakbang:
1. Ihanda ang mga tuntunin at regulasyon.
Kung gustong wakasan ng employer ang employment contract batay sa argumentong ‘malubhang nilabag ng empleyado ang mga rule at regulation ng enterprise,’ malinaw na kailangan nitong tiyaking umiiral ang mga iyon. Dapat mahigpit na sundin sa paghahanda ang procedure upang matiyak ang effectiveness, na higit naming ipaliliwanag sa hiwalay na blog: employee handbook.
Tandaan din na walang batas o regulasyong nagsasabi kung ilang araw ng pagliban sa trabaho ang maituturing na "malubhang paglabag sa mga tuntunin at regulasyon". Kaya dapat malinaw na tukuyin ng kumpanya kung malubhang paglabag ang pagliban nang hanggang tatlo o apat na araw.
2. Napapanahong pagpapaalala
Kapag natuklasang absent sa trabaho ang empleyado, dapat magpadala ang employer sa dati nang kinumpirmang service address ng empleyado ng ‘reminder letter’ sa pamamagitan ng express, na humihimok sa kaniyang bumalik agad sa trabaho, nagtatakda ng deadline sa pagbabalik batay sa nabanggit na mga tuntunin at regulasyon, at nagpapaalala sa mga kahihinatnan kung hindi ito gawin ng empleyado.
3. Gumawa ng pasya
Kung hindi bumalik sa trabaho ang empleyado bago ang nakasaad na deadline, maaaring magpasiyang wakasan ng employer ang labor contract alinsunod sa mga rule at regulation ng enterprise.
4. Magpadala ng notice of termination
Gaya sa #2, ipadala sa empleyado ang nasabing decision, ipaalam na winakasan ang employment contract alinsunod sa mga rule at regulation ng enterprise, at sabihin sa kaniyang dumaan sa handover formalities.
Kailangang bigyang-pansin ang dalawang mahalagang bagay:
1. Paunang nakumpirmang address
Napakahalaga para sa employer na habang ine-enroll ang bagong empleyado ay hingin ang address para sa service ng notice at ipagbigay-alam na kailangan nitong agad i-update ang anumang pagbabago sa nasabing address.
2. Sabihin ang nilalaman ng mail
Mahalaga rin na kapag nagpapadala ang employer ng liham-paalaala o abiso ng pagtatapos, dapat nitong malinaw na ilahad ang nilalaman ng sobre. Sa gayon, magiging kasalanan ng empleyado kung tatanggi siyang tanggapin ang sulat.
Sa ganitong paraan, natupad ng employer ang duty bilang manager sa pagpapaalala at notification.
Source: Sophie Mao mula CHinaLawHelp.com