Ayon sa Labor Contract Law ng People’s Republic of China, kabilang sa mga karapatan ng empleyado ang mga sumusunod:
➡️ http://j.mp/SUBSCRIBE-to-EXPATRIGHTS-now
WeChat Official Account: ExpatRights （微信公众号）
Kalayaang wakasan ang kontrata
1. Mga pangkalahatang sitwasyon
Ayon sa Labor Contract Law ng People’s Republic of China, may mga sumusunod na karapatan ang empleyado
Maaaring wakasan ng mga empleyado ang labor contract sa pamamagitan ng nakasulat na abiso 30 araw bago nito. Sa probation period, maaari nila itong wakasan sa pamamagitan ng nakasulat na abiso tatlong araw bago nito.
2. Kapag ilegal ang ginawa ng employer
Maaaring wakasan ng mga empleyado ang labor contract sa alinman sa mga sumusunod na kalagayan. Bukod dito, maaari silang humingi ng compensation sa ganitong sitwasyon. Ibig sabihin, maaari silang umalis sa trabaho nang hindi gaanong nalulugi.
(1) Hindi nagbibigay ang employer ng proteksiyon sa paggawa o mga kondisyon sa trabaho na itinakda sa kontrata sa paggawa;
(2) Hindi agad binabayaran ng employer ang buong halaga ng mga bayad;
(3) Hindi binabayaran ng employer alinsunod sa batas ang mga hulog sa social security ng mga manggagawa;
(4) Salungat sa anumang batas o regulasyon ang mga bylaws ng employer at pinipinsala ng mga ito ang mga karapatan at interes ng mga manggagawa;
(5) Walang bisa ang kontrata sa paggawa kung nilagdaan ito sa pamamagitan ng panlilinlang o pamimilit, o pagsasamantala sa kahirapan ng kabilang panig upang pilitin siyang pumasok sa employment contract o gumawa ng pagbabagong salungat sa tunay niyang kalooban;
(6) Anumang iba pang kalagayang itinakda ng batas o administratibong regulasyon kung saan maaaring tapusin ang kontrata sa paggawa.
Kumuha ng compensation kapag winakasan ang kontrata
Bukod sa mga sitwasyong tinalakay natin sa mga naunang talata, dapat ding bayaran ng employer ang empleyado sa alinman sa mga sumusunod na kalagayan:
(1) Nagkasundo ang dalawang panig na wakasan ang kontrata sa paggawa sa pamamagitan ng negosasyon;
(2) Sa alinman sa mga sumusunod na kalagayan, maaaring wakasan ng employer ang kontrata sa paggawa matapos bigyan ang empleyado ng 30 araw na nakasulat na abiso o bayaran siya ng isang karagdagang buwang sahod:
a. May sakit o non-work-related injury ang empleyado at hindi na magawa ang orihinal na trabaho matapos ang medical treatment period, at hindi rin magawa ang ibang trabahong inayos ng employer;
b. Hindi kayang gawin ng empleyado ang kanyang trabaho at nananatiling gayon kahit magbigay ang employer ng pagsasanay o baguhin ang kanyang trabaho
(3) Hindi na maisakatuparan ang kontrata sa paggawa dahil sa obhetibong dahilan, gaya ng problemang pinansiyal ng employer.
a. Isinasailalim ito sa revitalization alinsunod sa Enterprise Bankruptcy Law;
b. Binawi ang business license ng employer, inutusang magsara, binuwag, o pumasok sa liquidation bago ang takdang panahon;
(4) Kapag nag-expire ang kontrata, maliban kung handang magbayad ang employer ng kapareho o mas mataas na sahod ngunit tumatangging mag-renew ang empleyado;
(5) Kung walang kontratang nilagdaan mula ikalawa hanggang ikalabindalawang buwan ng pagtatrabaho, ituturing na may kasalanan ang kumpanya at kailangan nitong bayaran ang empleyado ng dobleng sahod para sa bawat buwang nagtrabaho siya para sa employer.
Sa mga sumusunod na sitwasyon, hindi maaaring i-terminate ng employer ang kontrata:
(1) Ang sinumang manggagawa ay may sakit o nasugatan na walang kaugnayan sa kanyang trabaho, at hindi pa natatapos ang itinakdang panahon ng paggamot;
(2) Ang sinumang babaeng manggagawa ay buntis, nanganganak, o nagpapasuso;
Punitive compensation
May karapatan din ang empleyado sa punitive compensation kapag ilegal na tinapos ang labor contract. Katumbas ito ng dalawang buwang salary para sa bawat taong nagtrabaho ang empleyado sa employer.
Makilahok sa internal management
Bukod dito, may karapatan ang empleyado na lumahok sa discussion tungkol sa employee handbook at iba pang internal regulation na maaaring makaapekto sa karapatan at interes. Nagiging balido lamang ang mga tuntunin kung aprubado ng karamihan ng empleyado.
Source: Sophie Mao mula CHinaLawHelp.com