Dapat Payagang Magtrabaho ang mga Dayuhang Estudyante sa China

Dumaragsa sa China ang mas marami pang internasyonal na estudyante. Mas maraming Internasyonal na Estudyante ang naaakit ng China bawat taon kaysa sa alinmang ibang bansa sa Asia. Nitong mga nakaraang taon, umakit ang pamahalaan ng China ng mga internasyonal na estudyante sa pamamagitan ng pagpapahusay sa mga pasilidad nito sa edukasyon at pag-aalok ng mas maraming scholarship bawat taon.

Noon, para sa mga kurso lamang sa wika isinasaalang-alang ang pag-aaral sa China. Ngayon, pinipili ng mga estudyante mula sa buong mundo na kumuha roon ng mga kursong teknikal at propesyonal na degree. Ayon sa Ministry of Education (MOE) ng China, tumaas nang 13 porsiyento sa nakaraang 10 taon ang kabuuang bahagi ng mga internasyonal na estudyanteng naghahangad ng degree sa higher education sa China, mula sa halos 55,000 noong 2006 hanggang halos 210,000 noong 2016.

Kabilang sa dumaraming internasyonal na estudyante sa China ang mga propesyonal na estudyanteng pinipiling maglakbay kasama ang kanilang pamilya. Marami sa kanila ang may scholarship at ang iba naman ay sariling gumagastos sa pag-aaral, ngunit alinman dito, may kani-kaniyang limitasyong pinansyal ang mga estudyante.

Natatakot ang mga dayuhang estudyante dahil sa pagdami ng pag-aresto ng pulisya. Marami ang gustong magtrabaho upang kumita para sa buwanang pangangailangan nila o ng pamilya. Karaniwang higit sa tuition ang gastusin. Pinakamalaki ang dehado ng mga student professional dahil karaniwang para lamang sa estudyante ang tuition at hindi sa kaniyang dependent. Binibigyan ang mga dependent ng dependent visa at hindi sila pinahihintulutang magtrabaho. Paano mabubuhay ang ina, ama, at anak o mga anak sa 1,400–3,500 yuan bawat buwan? Napatunayang imposible ito ayon sa mga expat student na ininterbyu ng Expat Rights.

Ayon sa grad student sa Zhejiang University, napakahirap manirahan sa China kasama ang pamilya dahil sa work restriction. Higit sa student stipend niyang 3,000 yuan ang kabuuang buwanang gastos sa pamilya. Kabilang sa pangunahing buwanang gastos ang kuryente, tubig, phone, recreation, pagkain, female necessities, male necessities, baby necessities, at iba pang paminsan-minsang gastos.

Binigyang-diin din niya ang isa pang kaso kung saan napilitang umuwi ang asawa at mga anak dahil may work restriction ang mister bilang estudyante. Papalapit na sa school age ang mga anak ngunit hindi ma-enroll sa Chinese school, at hindi makapagtrabaho ang asawa, kaya napilitan silang maghiwalay dahil sa kalagayan. Dahil sa restriction sa pagtatrabaho ng estudyante, marami ang nabubuhay mula sa isang sahod hanggang sa susunod.

Kumpara sa ibang bansa sa North America at Europe na nagpapahintulot sa mga internasyonal na estudyanteng magtrabaho habang nag-aaral, naglagay ang China ng napakahigpit na limitasyon sa pagtatrabaho nila sa ekonomiya nito mula nang buksan ang pinto sa unang pangkat ng 33 internasyonal na estudyante noong 1950. Kapag may student visa ang isang estudyante sa China, itinuturing na ilegal ang pagtatrabaho sa ekonomiya ng China nang walang pag-apruba ng Exit and Entry Bureau.

Madalas na pinag-uusapan ang paksang ito dahil malaking inconvenience ito sa mga estudyanteng naghahanap ng source of finance. Lumikha naman ng sariling problema ang restriction na ito. Maraming student ang naghahanap pa rin ng trabaho, at kapag nahuli ng Chinese authority, pinagbabayad ng mataas na penalty at sa ilang kaso ay dini-deport at binabawi ang scholarship.

Dumating na ang Pagbabago - Ayon sa isang artikulong inilathala ng China Daily, ‘Pahihintulutan ng China ang mga internasyonal na estudyante sa mga unibersidad sa buong bansa na magtrabaho nang part-time habang nag-aaral upang gawing mas kaakit-akit ang sistema ng mas mataas na edukasyon ng bansa.’ Bilang suporta sa bagong inisyatibang ito, nagsimulang magpatupad ang pamahalaang Tsino ng ilang pagbabago na nagpapahintulot sa mga internasyonal na estudyante sa mga Tier 1 na lungsod gaya ng Beijing at Shanghai na magtrabaho nang part-time o mag-internship kapag nakakuha sila ng pahintulot mula sa kanilang institusyong pang-akademiko at sa Entry and Exit Administrative Bureau.

Isa itong mahusay na hakbang ng mga lokal na awtoridad kahit tila nakakapagod kumuha ng permission mula sa University at Entry and Exit Bureau. Hinihikayat na ngayon ang mga international student na sumali sa Chinese labor force bilang part-time contributor at sa ilang lungsod, lalo na Shanghai, hinihikayat pa silang magsimula ng kumpanya habang nasa student visa. Habang patuloy na naghahanap ang China ng foreign talent, kinikilala nitong nakatago ang ilan sa talent na iyon sa malaking pool ng expatriate student na pumapasok sa border nito bawat taon, at gumagawa ito ng mga kinakailangang pagbabago upang mapanatili sila.

Problema, gayunman, na tila hindi alam ng karamihan sa expat student ang impormasyong ito. Patuloy silang nananawagan para sa student work kahit gumawa na ang mga awtoridad ng kailangang probisyon. Itinampok ng mga kamakailang balita ang pag-aresto ng pulis sa mga expat na nagtatrabaho gamit ang maling visa. Kung talagang nais ng China ang international student work, kailangan nitong isapubliko ang layunin.

Bukod dito, kailangang magbigay ng mas maraming pagkakataon para sa student internship sa kanilang field of study; pinatitibay nito ang work experience sa kanilang larangan. Mapupunan din nito ang mandatory na dalawang taong work experience para sa work visa sa China. Kapag nakapanatili at nakapagtrabaho ang mga estudyante sa China nang hindi umaalis upang kumuha ng karanasan, mapananatili ng China ang dayuhang talent nito.

Alamin ang mga karapatan mo bilang expat student: Maaari kang magtrabaho habang nag-aaral sa China kung pipiliin mo. Sundin ang mga kinakailangang hakbang para sa pag-apruba upang maipagtanggol mo ang iyong mga karapatan kapag nilapitan ng mga awtoridad. Tiyakin ding legal ang kompanyang pinagtatrabahuhan mo at lahat ng kailangang dokumento. Panghuli, ipasa ang artikulong ito sa mga expat student sa iyong contacts upang malaman ng bawat international student ang kanilang mga karapatan sa pagtatrabaho gamit ang student visa.

Para sa higit pang impormasyon, bisitahin ang link sa ibaba:

http://www.chinadaily.com.cn/a/201808/07/WS5b68e48fa3100d951b8c8ed2.html

Suportahan ang sponsor naminSkyIPTV.

Libo-libong dayuhang TV channel

LIBRENG LEGAL NA TULONG:

WeChat: baizhuzhu2024