Bukas na ang recruitment at deployment ng mga gurong Filipino para sa tertiary educational institution sa China matapos ilabas ng Department of Labor and Employment (DOLE) ang mga patnubay nito tungkol dito.
Mag-subscribe sa ExpatRights
WeChat Official Account: ExpatRights （微信公众号）
Ayon sa regulasyon, dapat nakapagtrabaho ang mga aplikante sa isang pribadong institusyon ng mas mataas na edukasyon sa Pilipinas upang maging kwalipikado.
Kailangang may Bachelor's Degree in Education o English Language ang aplikante mula sa Philippine educational institution na accredited ng Ministry of Education ng People's Republic of China.
Kailangan ding may balidong certificate of registration sa intermediate level pataas ang aplikante at professional license mula sa Philippine Board of Licensure Examination for Professional Teachers.
Bukod dito, hindi kailanman dapat nasakdal o nahatulan ang aplikante sa isang kriminal o administratibong paglabag at hindi dapat lumabag sa batas; dapat malusog, walang suliranin sa pag-iisip, at walang pagkalulong sa droga o alak.
Magsisilbing contact window ang Philippine Embassy at Chinese Consulate upang pakinggan at lutasin ang mga concern sa kanilang employment, lalo na sa recruitment at deployment ng mga guro, at ibang issue sa workplace.
Samantala, tututok ang Philippine Overseas Employment Administration (POEA) sa recruitment, orientation, processing, at documentation ng mga Filipinong aplikanteng guro.
Source: www.untvweb.com sa pamamagitan ng EnglishTeacher