Ayon sa labor law ng China, ang non-competition agreement ay mutual agreement ng kumpanya at empleyado na nagsasabing hindi maaaring makipagkompetensiya ang empleyado sa dating employer matapos mabuwag o matapos ang labor contract. Halimbawa, hindi maaaring magtrabaho sa kumpanyang gumagawa o nagbebenta ng katulad na produkto o kaparehong negosyo, o magpatakbo ng gayong negosyo, ang empleyado sa itinakdang panahon.
➡️ http://j.mp/SUBSCRIBE-to-EXPATRIGHTS-now
WeChat Official Account: ExpatRights （微信公众号）
Kanino naaangkop ang non-competition agreement?
Bagaman maaaring naaangkop sa lahat ng empleyado ng kumpanya ang confidential agreement, limitado sa ilang empleyado ang non-competition agreement, gaya ng senior manager, senior technical personnel, at ibang personnel na may confidentiality obligation sa kumpanya. Sa pangkalahatan, tumutukoy ang senior manager sa company manager, deputy manager, head ng financial department, secretary ng board of directors ng listed company, at ibang personnel na itinakda sa articles of association ng kumpanya. Bukod dito, sa mga kumpanya sa manufacturing at technology industry, naaangkop din ang non-competition agreement sa lahat ng empleyadong madaling maka-access sa trade secret ng kumpanya, kabilang ang senior research developer, technical personnel, at skilled worker sa key position. Higit pa rito, dapat ding umako ng non-competition duty ang ibang empleyadong maaaring may alam sa business secret ng kumpanya, gaya ng marketing staff, accountant, secretary, at iba pa. Sa madaling salita, naaangkop ang non-competition agreement sa lahat ng staff na may access sa key at important trade secret ng kumpanya.
Mga tuntunin ng non-competition agreement
Sa pangkalahatan, nagsisimula ang term ng non-competition agreement sa dissolution o termination ng labor contract at hindi dapat lumampas sa dalawang taon. Kahit ilegal na wakasan ng kompanya ang labor contract o mapilitang wakasan iyon ng empleyado, binding pa rin sa empleyado ang non-competition agreement. Siyempre, kondisyon nito na bayaran ng kompanya ang compensation na napagkasunduan.
Ang halaga ng kompensasyon
Walang uniform provision tungkol sa amount ng compensation. Gayunman, ayon sa kaugnay na judicial interpretation, dapat katumbas ng 30% ng average monthly salary ng empleyado sa nakaraang 12 buwan bago ang dissolution o termination ng kontrata ang monthly compensation, o hindi bababa sa lokal na minimum salary. Ngunit kung walang ibinayad na compensation ang kumpanya, may karapatan ang empleyadong i-rescind ang non-competition agreement, basta:
- Nabigo ang kumpanya na bayaran ang napagkasunduang kompensasyon sa loob ng tatlong buwan; at
- ipinaalam ng empleyado sa kumpanya nang nakasulat ang layunin niyang wakasan ang kasunduan.
Parusa sa paglabag sa non-competition agreement
Sa non-competition agreement, maaaring tukuyin ng kompanya na kailangang magbayad ng penalty ang empleyado kapag hindi niya tinupad ang non-competition duty. Walang probisyon tungkol sa partikular na standard ng penalty, ngunit kung mas mataas ito kaysa aktuwal na loss ng kompanya, malamang na babawasan ng hukuman ang halaga sa sariling discretion.
Source: Sophie Mao mula China Law Help