Ayon sa Company Law ng PRC, ang registered capital ay pondong iniaambag o ipinapangakong iaambag ng lahat ng shareholder sa kumpanya kapag nag-a-apply sila sa lokal na Administration of Industry and Commerce (AIC) para sa incorporation. Dapat ideklara ang registered capital sa Articles of Association na isusumite sa lokal na AIC para sa review, at makikita ang halaga sa business license bilang pampublikong impormasyon.
WeChat Official Account: ExpatRights （微信公众号）
Bukod dito, kung magpasiya ang mga shareholder na dagdagan o bawasan ang registered capital ng kompanya, kailangan din nilang i-file sa lokal na AIC ang pagbabago at baguhin nang naaayon ang business license.
Sa pangkalahatan, ipinakikita ng registered capital ang financial strength o capacity ng kompanya sa isang antas. Maaari itong gamiting sanggunian ng ibang kompanya sa pagpili ng business partner o ng bangko sa pag-evaluate kung aaprubahan ang loan application.
At sa ilang industriya, may pinakamababang kinakailangang registered capital upang makapasok ang kumpanya sa industriyang iyon. Halimbawa, kung gusto ninyong magtatag ng labor dispatch company, dapat hindi bababa sa RMB 2 milyon ang registered capital. Ginagamit din ang registered capital sa pagkakaloob ng kwalipikasyon sa ilang industriya at bilang pamantayan sa pagsusuri sa pag-bid para sa mga proyekto.
Gayunman, hindi ibig sabihin na mas mabuti kapag mas malaki ang registered capital na idineklara ng shareholder. Bagaman wala nang time limit sa fund injection at wala nang audit requirement para rito, bakit? Sapagkat hindi lamang capacity ng kompanya ang ibig sabihin ng registered capital kundi pananagutan din nito sa publiko, lalo na sa mga creditor.
Halimbawa, kung sinabi ng kompanya na mayroon itong 1 milyong RMB na registered capital, inaasahang mananagot ito sa utang na hanggang 1 milyong RMB kahit 50,000 RMB lamang ang aktuwal na inilagak ng shareholder.
Sa kabilang banda, isa lamang ang registered capital sa mga pamantayan sa pagtataya ng kakayahan ng kumpanya, sapagkat madalas matagpuang walang anumang asset ang ilang kumpanyang may napakalaking registered capital. Kaya mahalagang unawaing mas mabuting ideklara ang registered capital ayon sa tunay na kakayahan at kalagayang pinansyal ng kumpanya; kung hindi, malalantad ang shareholder sa ilang di-inaasahang panganib.
Source: Sophie Mao para sa China Law Help
ExpatRights.org