Inaalis ng China ang mga "Dayuhang" Pangalan
Muling pinagtibay ng civil affairs ministry ang planong alisin ang mga pangalang 'lumalabag sa mga pangunahing pagpapahalaga ng sosyalismo at pumipinsala sa pambansang tiwala'
WeChat Official Account: ExpatRights （微信公众号）
Muling pinagtibay ng Beijing ang pangako nitong alisin sa mga lungsod ng China ang "malalaki, dayuhan, at kakaibang" pangalan ng ari-arian at lugar, na nagdulot ng pagtutol ng publiko.
Nagsimula ang campaign noong nakaraang taon nang magpakilala ang anim na government department ng joint policy na nag-aatas sa provincial at county authority na tukuyin ang lahat ng ganitong property sa kanilang hurisdiksiyon at palitan ang pangalan bago matapos ang Marso.
Noong Biyernes, muling pinagtibay ng Ministry of Civil Affairs ang suporta nito sa plano ngunit pinaalalahanan ang mga lokal na pamahalaang ipatupad ito nang ‘maingat at naaangkop.’
Maraming property sa China, lalo na ang mga hotel at apartment building, ang gumagamit sa kanilang pangalan ng mga sikat na lugar sa ibang bansa, gaya ng Manhattan, California, o Paris, ngunit sa ilalim ng bagong tuntunin, kailangang alisin ang lahat ng ito. Ayon sa ulat ng lokal na pahayagang Sanqin Metropolis Daily, sa isang lungsod sa Xian, kabisera ng lalawigan ng Shaanxi, hindi bababa sa 98 apartment project, hotel, township, komunidad, at office tower ang kailangang palitan ng tatak.
Ngunit para sa ilang tao, walang iba ang plano kundi pag-aaksaya ng oras at pera.
“Kung mapipilitang palitan ng mga proyekto ang kanilang pangalan, paano ang pangalan sa sertipiko ng ari-arian, lisensiya ng negosyo, at pagpaparehistro sa buwis? Kailangan din bang baguhin ang mga iyon?” tanong ni Zhu Yun, isang babaeng nakatira sa Guangzhou, kabisera ng lalawigan ng Guangdong sa timog China.
“At ano ang pamantayan para sa mga bagong pangalan, at sino ang magpapalit ng pangalan? Sayang lang ito sa lakas at pera ng mga tao at walang maitutulong sa pambansang kultura o kumpiyansa.”
Sinabi ni Zhu Min, isang mahigit otsentang taong gulang na nakatira rin sa Guangdong, na nagpapaalala ang iskema sa isang mas madilim na yugto ng kasaysayan ng Tsina.
“Ipinaaalaala nito sa akin ang masasamang panahon ng Cultural Revolution,” sabi niya. “Noon, napakaraming kalye, daan, at tindahan ang sapilitang pinalitan ng pangalan dahil naglalaman ang mga iyon ng elemento ng lumang kaugalian at kultura.”
Mainit din ang debate online, at sampu-sampung libong tao ang naghayag ng pananaw sa social media.
“Ang kumpiyansa sa kultura at bansa ay tungkol sa paggalang sa multikulturalismo,” isinulat ng isang tao sa Weibo, ang platapormang kahawig ng Twitter sa China.
Sa kabila ng pagtutol, sinabi ng civil affairs ministry na "mahalagang hakbang... upang isulong ang pambansa at lokal na kultura" ang pagpapatupad ng programa, iniulat ng Xinhua.
“Dapat mahigpit na sundin ang mga kaugnay na regulasyon at alituntunin ng kampanya upang maiwasang palawakin ito nang di-makatwiran,” nakasaad dito.
Sinabi ng plan na inanunsiyo noong nakaraang taon na ang ‘malalaki, dayuhan, kakaibang’ pangalan ng lugar at mga nakabatay sa homonym ay ‘lumalabag sa core value ng socialism, sumisira sa national confidence, at nakaaapekto sa production at buhay ng mga tao, at dapat itama at linisin.’