Hinatulan ng hukuman sa southern China noong Martes ang hindi bababa sa anim na dayuhang sangkot sa international methamphetamine operation, kabilang ang Canadian na binigyan ng death penalty.
WeChat Official Account: ExpatRights （微信公众号）
ExpatRights.org
Hinatulan ng Jiangmen Intermediate People's Court sa katimugang Guangdong Province ang 11 taong gumawa ng mahigit 63 kilo (139 pound) ng methamphetamine, isang ilegal na droga.
Kabilang sa kanila ang isang Amerikano at apat na Mexicano, na pawang hinatulan ng habambuhay na pagkabilanggo o kamatayang sinuspinde sa loob ng dalawang taon.
Hindi nilinaw ng court statement kung sinong indibidwal ang nakatanggap ng anong sentensiya at hindi rin ibinigay ang kanilang buong pangalan,
Tinukoy bilang ‘Fan Wei’ ang Canadian na sinentensiyahan ng kamatayan, ngunit hindi malinaw kung legal name iyon ng tao.
Binigyan din ng death sentence ang taong tinukoy na si Wu Ziping, na hindi binanggit ang nasyonalidad.
Ayon sa hukuman, nagsabwatan sina Fan Wei at Wu upang gumawa at magbenta ng droga noong 2012 at isinama ang iba—na inilarawang "drug-making technician."
Sa pagitan ng Hulyo at Nobyembre ng taong iyon, sinabi ng hukuman na nagtayo ang grupo ng isang "lungga" sa Taishan City, Guangdong, kung saan gumawa at nagbenta sila ng mahigit 63 kilo ng methamphetamine at 365.9 gramo ng dimethyl amphetamine.
Sa hiwalay na drug-smuggling case, hinatulan ng China ng kamatayan ang Canadian na si Robert Lloyd Schellenberg sa biglaang retrial noong Enero—isang buwan matapos idetine ang mga Canadian na sina Michael Kovrig at Michael Spavor sa malabong national-security allegation.
Sinuspinde rin ng China ang lisensya ng dalawang malaking Canadian exporter ng canola, na nagsasabing nakakita ang mga opisyal ng mapanganib na organismo sa mga shipment ng canola seed.